المهندس جابر الدسوقى قال أنه فى خلال إجتماعه مع رئيس الوزراء محلب ناقش مشكلة إنقطاع الكهربا فى اليومين اللى فاتوا و السبب كان لخروج بعض الوحدات عن العمل و الموضوع حينتهى فى أسبوعين و بيقول الأمور بدأت تتحسن بعد دخول وحدة بقدرة 500 ميجا وات و قال
أن هناك تعاون مع وزارة البترول غلشان الصيف الجاى يكون بدون انقطاع للكهربا و طبعا كل ده كلام مش مضبوط لأن مشكلة الكهربا مش من اليومين اللى فاتوا و بتنقطع 5 مرات فى اليوم و كل مرة زيادة على ساعة و ساعات أزيد من ساعة و أشغال الناس بتتعطل و فين التحسن اللى بيقول عليه ؟ التحسن الوحيد انها كانت بتقطع مرتين ربنا بارك فيهم و بقوا 5 مرات فى اليوم يبقى أكيد الوحدة اللى بيقول عنها بتشفط 500 ميجا وات من بيوتنا مش بتضخهم لينا و بكده يكون صيفكم جهنم و بئس المصيف و طبيعى بياعين التكييفات حالهم حيبقى هباب و مش حيبيعوا أجهزة . طبعا مين حيشترى تكييف لنار الصيف و مفيش كهربا .
0 التعليقات:
إرسال تعليق