إحترسوا فيروس إيبولا قادم ليحصد الأرواح

أحد أخطر فيروسات هذا الزمان التى ابتلى الله بها الناس لفسادهم بعد الإيدز يدعوه العلماء فيروس الحمى النزفيه و ليس له علاج حتى الآن كما الإيدز  إنه يهاجم نظام الدم لدى الشخص . يجعل الشخص ينزف من أى مكان فى الجسم حتى الموت و هو شديد العدوى ينتقل عبر الإتصال مع سوائل الجسم مثل " الدم و العرق و اللعاب و المنى و سوائل الجسم الأخرى ".

الفيروس ليس هوائى أى لا ينتقل عبر الهواء و 90% ممن يصابون به هالكون لا محالة .من أعنف الفيروسات المهلكة حاليا حيث يهلك ضحاياه و يقتلهم فى بضعة أسابيع قليلة بعد العذاب .

أعراضه : -

1. حمى .
2. صداع .
3. إسهال .
4. قىء .
5. ضعف عام .
6. آلام العضلات و المفاصل .
7. آلام فى المعدة .
8. فقدان الشهية .

طرق الحماية : -

1. غسل اليدين كثيرا بالصابون و المطهرات و عدم الإتصال الجسدى الذى لا لزوم له مع الآخرين .
2. حاول تناول الطعام الذى تعده بنفسك .
3. حالول التطهير دائما فالفيروس لا يمكنه البقاء على قيد الحياة فى ظل أشعة الشمس و التطهير الدائم بالمطهرات و الصابون و مواد التنظيف .
4. الحيوانات القارضة كالفئران يمكن أن تكون حاملة للفيروس " إيبولا " .
5. قم دائما بالتعقيم و التخلص من المخلفات و الجثث إن وجدت و لا تلمسهم دون قفازات فهى غالبا حاملة للفيروس القاتل .
6. يجب عدم ملامسة الآخرين فى مثل هذه الحالات لتجنب الإصابة بدون لبس قفازات فالفيروس قاتل و خطير جدا .

يجب الإبلاغ فورا عن أى شخص تشك فى وجود هذه الأعراض عليه و الله خير حافظ .

خطورة المشى على السيراميك حافى القدمين

يعانى الكثير من الناس من الآلام فى القدم أو أسفل الكعب بالعقبين و كثيرا ما تزدحم عيادات أطباء العظام بمرضى يشتكون من هذه الأعراض دون أن يعرفوا أنهم من تسبب فى ذلك لأنفسهم .

إن ارتداء النعال اللينة مفيد فى السير على السيراميك لأنه توجد أسفل العظام بالقدم  أربطة عبارة عن تجمع لأغشية ليفية قوية تصل عظام القدم ببعضها و تعمل على إعطاء باطن القدم الشكل المحدب الذى يعرف بتقوس القدم .

هذه الأربطة تقع تحت العظام القوية و الأرض الصلبة من تحتها مما يعمل على وجود ضغط شديد عليها مما يسبب التعرض لأمراض الإجهاد المزمن و الإلتهابات التى تؤدى مع مرور الوقت لترسبات صغيرة من الكالسيوم بطرف هذه الأربطة مكونة نتوءا صغيرا و هو المعروف عند الناس  بمسمار القدم " عين السمكة فى مصر " و هو يظهر بالأشعة السينية .

أسباب إلتهاب العقبين : -

1-- زيادة الوزن .

2-- السير لوقت طويل على أرضية صلبة .

3-- إرتداء أحذية ذات أرضية صلبة .

4-- قلة كمية الدهون فى باطن القدم مع التقدم فى العمر .

5-- السير على السيراميك حافى القدمين .

الكثير من المرضى يستجيبون للعلاج باستخدتم الأدوية المضادة لالتهابات العظام و المفاصل و المسكنات و كذلك جلسات العلاج الطبيعى و التى تعمل على تقليل شدة الإلتهابات و كذلك عمل التمرينات لإطالة عضلات الساق و أوتار القدم . كما أن هناك بعض الحالات التى لا يكون السبب واضح فيها لحدوث الإلتهابات أو أن تكون ناتجة عن بعض أمراض الروماتيزم .

أعراض المرض : -

عادة ما يشتكى الأشخاص من آلام فى مؤخرة القدم و تحت الكعب تزيد حال المشى أو الوقوف أو وقت الصباح الباكر مع الخطوات الأولى .

التشخيص : - 

عادة ما يكتشف المعالج ذلك حين يتم الضغط على باطن القدم فيسبب آلام شديدة بمنطقة العقب و يتم فى بعض الحالات عمل أشعة سينية للعرف على الأسباب .

العلاج : -

1-- إرتداء الأحذية الطبية و فرش الأحذية اللين و الذى يعمل على امتصاص الصدمات عند المشى و يعمل على حماية المناطق الملتهبة من الضغوط الشديدة .

2-- الحقن الموضعى بأدوية مضادة للإلتهابات كدواء الديبوميدرول الموضعى تعمل على القضاء و بسرعة على إلتهاب العقب خاصة فى الحالات المزمنة .

هناك حالات لا تستجيب لهذا العلاج فهناك طريقة إطلاق موجات صوتية ذات ترددات معينة على المنطقة المصابة مما يؤدى لتنشيط الدورة الدموية و بالتالى إلى علاج الإلتهاب .

هناك حالاات قليلة جدا قد يتم فيها العلاج جراحيا و يتم ذلك باستخدام المنظار .

الشيبسى بيجيب سرطان

البطاطس الشيبسى فيها مادة كيماوية إسمها أميد بتجيب و العياذ بالله سرطان و ده بيحصل لما تطهو الأكلات الغنية بالكربوهيدرات فى درجات حرارة عالية سواء كانت أكلات مقلية أو خبز محمص و ده بيشكل المواد الكيماوية لما تسخن الأكل و بيتشكل سطح جاف نسبيا من اللون الأصفر و البنى زى اللى متوفر فى الشيبسى .

و الشيبسى فيها نسبة عالية من السعرات الحرارية اللى بتشكل مصائب صحية زى إنسداد الشرايين و ضعف القلب و بتزيد نسبة الدهون فى الجسم بشكل ملحوظ . أضف على ذلك مفيش فيها أى بروتين و لا فيتامين زى سى مثلا . و فيها من 130 : 170 مليجرام من الصوديوم و المادة دى بتشكل خطورة بالغة على الصحة العامة لو تم تناولها بكثرة . و كمان بترفع نسبة الكوليسترول فى الدم علشان مشبعة بالدهون نتيجة القلى فى الزيت . و بتسبب جفاف فى الحلق و تلاقيك عاوز تشرب بعدها مياه .

يعنى اشترى بطاطس و كلها مسلوقة أو اقليها فى البيت أحسن على الأقل مفيش عليها مواد حافظة و لا صوديوم و لا غيره و بلاش تكتر من أكلها علشان ما تبقاش تخين فشلة.

الناس و الترامادول

عندك صداع ؟ حاسس بضعف جنسى ؟ مش قادر تشتغل و حاسس بلخلخة فى ركبك و مكسح ؟ عاوز تبقى حصان بيرمح ؟ 48 ساعة فى اليوم ؟ عاوز تقول كلام موزون ؟ عاوز تحس بنعنشه و تبقى فريش ؟ 

مش مركز و عاوز مخك يبقى زى الكمبيوتر ؟ عاوز تجرى جنب الموتوسيكل و تسبقه ؟ عاوز تبقى طرزان و مصحصح مالكش غيره خدلك حباية و انسى وكله حيبقى تمام . إزاى سايب نفسك كده من زمان يا مسكين ؟ دا انت مش عايش  دا الدكاتره بياخدوه و مزاجهم عناب . خد بلبع حباية و لا اتنين و شوف حتعمل إيه حتكسر الدنيا و بكره تدعيلى .

كل دا حديث يومى بنسمعه من ناس كتير و المقصود طبعا المحروس اللى اسمه ترامادول حبوب مخدرة معمولة لسبب تانى خالص بعيد عن قصص الشارع و نصايح المتخلفين و العالم البزرميط . وباء و انتشر فى المجتمع و تلاقى الشباب و العيال و الرجالة عمالين يبلبعوا كل شوية من نص حباية لضرب شريط و اتنين فى اليوم لزوم الصحصحة و القدرة على الشغل و الصدمة لما تلاقى ناس فاكرهم محترمين و تلاقيهم من أهل البلبعة يعنى بالعربى كله ماشى إما بحبوب ضغط و قلب أو كيسة أدوية و دول المرضى أو قصطرة بول مدلدلة من تحت الجلابية و ماسكها فى ايده بيعرضها على العيون علشان يشحت بيها و دول طايفة من الشحاتين و اللى المفروض إسمهم أسوياء شايلين شريط ترامادول فى جيب البنطلون الورانى أو فى جيب جاكت البدلة الجوانى لكن لكل قاعده شواذ لا بيتعاطوا أى نوع من اللى سابق ذكرهم إلا بأمر طبيب حال المرض و طبعا دول مغفلين العصر الحديث و مش طبيعيين يعنى نقدر نسميه عصر بيع الوهم طيب إيه بقا حكاية العقار السحرى قوى ده نقولكم .

عقار الترامادول ينتمى نسبه لأملاح المورفين المخدر و بيستخدم لعلاج الآلام المتوسطة و الشديدة زى اللى فى السرطانات ربنا يعافى الجميع . و كمان ليه تأثير بيسبب تغيير كبير فى ضغط الدم و نظام القلب بصورة عامة . و كمان بيسبب انخفاض فى ضغط الدم و أحيانا إرتفاع . و بما إنه من مشتقات أملاح المورفين بيسبب الغثيان و ضعف التركيز و آلام فى المعدة و إسهال و تنميل فى الأطراف و قد يؤثر فى الكبد لما يتم تناوله لمدة كبيرة و طبعا لا حياة لمن تنادى بين المدمنين أما بقا عن عملية الإنسحاب  بتاعته و الإعراض عنه كمان مش بالساهل فمثلا خد عندك هذيان و ميل للقىء و إسهال و صعوبة تنفس و الكبير قوى بقا هى الهلوسة يعنى من شخص محترم لمش محترم و على فكره مالوش دخل فى العملية الجنسية لأنها عملية نفسية قبل كل شىء .

و لم يكتفوا بالتعاطى من نصيب المرضى الموصوف لهم كعلاج لأ راحوا كمان استوردوا من الهند و الصين بالألوان إشى أحمر و إيشى مش عارف إيه خيبة تقيلة و حلت على بلدنا و على شعبنا لما تخلى جاهل و مالوش قيمة يروح يستورد و يهرب حبوب مخدرة علشان يدمر بيها شعب كامل جهاله و متعلميه و تخلى الكل عبيد لحبايه و للى بيتاجروا فيها هذا يحدث حين يسلب الله من الناس عقولهم يا ترى إيه الفرق بين اللى راضى يعيش من غير عقل و بين الأنعام ؟.